Bilanc per biznesin e vogel. Edhe subjektet e vogla që kanë një qarkullim vjetor më të ulët sesa 5 milionë lekë në vit, per vitin 2022 duhet të fillojnë që të dorëzojnë në tatime dhe në Qendrën Kombëtare të Biznesit bilancet.

Deri tani, këtë detyrim e kishin mikronjësitë ekonomike që realizonin jo më pak se 5 milion lekë dhe jo më shumë se 30 milion lekë të ardhura nga veprimtaria ekonomike. Tashmë, me një ndryshim të standardit nr. 15, “Për kontabilitetin dhe raportimin financiar të mikronjësive ekonomike (SKK 15)”, të publikuar në Fletoren e fundit Zyrtare, këtë detyrim e kanë pa përjashtim të gjitha njësitë ekonomike të klasifikuara si mikronjësi nga ligji 25/2018 “Për kontabilitetin dhe pasqyrat financiare”.Zbatimi i këtij ligji do të fillojë që me bilancet e vitit 2022, që duhet të dorëzohen viin e ardhshëm deri në datën 31 mars te tatimet (dhe deri në 31 korrik në Qendrën Kombëtare të Biznesit). Subjektet ndërkohë duhet të regjistrojnë justifikimet kontabël.

Ju duhet konsulencë falas nga një Ekonomiste për çdo çështje që mund t’ju interesojë ? Jemi në linjë, mos ngurroni të shkruani

 

 

Deri tani, subjektet me xhiro nën 5 milionë lekë dorëzonin tek tatimet vetëm deklaratën e thjeshtuar vjetore të tatimit mbi fitimin.

Pas ndryshimeve të fundit, Pasqyrat financiare të kërkuara prej mikronjësive me qarkullim vjetor nën 5 milionë lekë janë, konkretisht:

-Pasqyra e shkurtuar e pozicionit financiar;

-Pasqyra e shkurtuar e të Ardhurave dhe Shpenzimeve (PASH);

-Shënimet Shpjeguese të shkurtuara.

Mikronjësitë, subjekt i zbatimit të këtij Standardi lejohen të ndërtojnë edhe pasqyra të tjera me qëllim përmirësimin e transapencës dhe të cilësisë së informacionit që paraqesin (p.sh mund të përfshihet pasqyra e fluksit të mjeteve monetare dhe / ose pasqyra e lëvizjes së kapitalit).

Kjo nënkupton që mikronjesitë nga 5 deri 30 milion lekë xhiro (tashmë përfshihen të gjitha pa përjashtim) plotësojne bilancin (pasqyrat) mbi sa më siper, ndërsa plotësimi i pasqyrave të fluksit dhe kapitalit janë opsionale.

Ju duhet konsulencë nga një ekonomiste per taksat çdo çështje që mund t’ju interesoje kliko këtu : Ekonomsti Jone – Sun Consulting

Ky ndryshim pritet që të shtojë kostot e administrimit të aktivitetit për subjektet e vogla. Kontabilistet thotë se tashmë çdo biznesi të vogël do t’í duhet të ketë kontabilistin e tij që të përgatisë pasqyrat financiare. Bizneset do të duhet të mbajnë shpenzimet e detajuara sepse do të duhet të plotesojnë pasqyrat me formatin e SKK 15.