Fiskalizimi i biznesit. Ç’duhet të bëjë biznesi për të kaluar te sistemi i ri i fiskalizimit

Fiskalizimi i biznesit. Procesi i fiskalizimit nis nga 1 janari 2020 dhe për këtë, të gjitha bizneset duhet të jenë të përgatitura për zbatimin e ndryshimeve. Administratori i kompanisë Tetra Solutions, z. Sokol. Qeraxhiu, në një intervistë për “Monitor” thotë se fiskalizimi duhet t’i gjejë të përditësuara me sistemin e ri të gjitha sipërmarrjet. 

Ju duhet një  për biznesin tuaj ?

Jemi në linjë, mos ngurroni të shkruani

Për këtë arsye, sipas tij, fillimisht është e nevojshme një plan se si ndërmarrjet duhet të veprojnë deri më 1 shtator kur nis faza përfundimtare e procesit. Përfaqësuesi i kompanisë së certifikuar për programet ProFisc si dhe t.fisc thekson se në tërësi, ky proces do të automatizojë faturimin e biznesit, por me një kosto më të ulët nga sa po paguan aktualisht. Kostoja e modernizimit të teknologjisë për bizneset e vogla sipas z. Qeraxhiu është e përballueshme.

Si do të kryhet në tërësi ky proces dhe a është i detyruar biznesi të ndryshojë kasat aktuale?

Tetra Solutions është një shoqëri që operon prej 14 vitesh dhe ka si mision shtrirjen e teknologjisë në jetën e përditshme të çdo qytetari, nëpërmjet krijimit apo aplikimit të platformave komunitare dhe me shkallë të gjerë përdorimi. Në terma marketingu, ne ndihmojmë indirekt qytetet dhe bizneset tona të jenë më smart në ofrimin e shërbimeve mbi qytetarët.

Ne ofrojmë disa platforma me shkallë të gjerë, ku si më të rëndësishmet do të përmendja t.ticket që është një sistem biletarie online; BigCommerce, platformë shitje online; Skidata.Parking, platformë administrimi të sistemeve të parkimit apo Cosmos, një platformë e administrimit të karikuesve të makinave elektrike. Lidhur me shkallën e përdorimit të tyre, duhet të them me kënaqësi se vetëm me tre platformat e para në dy vitet e fundit kemi mundur t’u shërbejmë mbi 100,000 qytetarëve në mbi 1 mln veprime.

Produktet tona të fundit ProFisc si dhe t.fisc, janë ndërtuar në mënyrë të hapur për të ndihmuar bizneset sa më shumë që të adoptojnë kërkesat e ligjit për fiskalizimin dhe më kryesorja, të përfitojnë maksimalisht nga këto ndryshime ligjore (të detyrueshme) për të ofruar shërbime të reja te klientët e tyre dhe të përmirësojnë, shpejtojnë dhe automatizojnë proceset e brendshme që lidhen me faturimin.

Fillimi i efekteve të ligjit është 1 Janari dhe çdo biznes, duhet të ndërtojë një plan se çfarë duhet të bëjë deri në datën 1 Shtator, kur ndryshimet mendohet të zbatohen në mënyrë të plotë. Detyrimi i parë, ai i raportimit vetëm në mënyrë elektronike të faturave për organet publike, prek vetëm disa nga bizneset e mëdha në vend (rreth 10,000) por deri në qershor, ndryshimi është i detyrueshëm për çdo biznes. Si Tetra, me dy produktet e certifikuara ProFisc dhe t.fisc mendojmë se plotësojmë të gjitha nevojat e tregut. Duke u kthyer në pyetjen tuaj, për ndikimin që ndryshimet ligjore sjellin në bizneset do të doja të ndalesha në mënyrë të veçantë në dy grupe biznesi që operojnë në vend. (Fiskalizimi i biznesit)

Biznesi i vogël, nuk mendoj se do të këtë ndryshime të rëndësishme nga praktika aktuale e operimit. Ndryshimet konsistojnë vetëm në përditësimin e kasave aktuale, për të garantuar që ato të jenë në përputhje me ndryshimet në raportim. Për disa modele, të blera vite më parë, kjo mundet të nënkuptojë zëvendësimin, ndërsa për pajisje të blera në vitet e fund, përditësimi ka shumë gjasa të nënkuptojë vetëm përditësimin e programit të tyre. Çdo praktikë tjetër do të mbetet e njëjtë.

Në këtë grup biznesesh, ndryshim të rëndësishëm mendoj se do të kenë ato që duan të përmirësojnë veprimet e shitjes nëpërmjet instalimit të sisteme të shitjes (point of sale). Këto biznese të vogla, fiskalizimin e faturës do ta kryejnë direkt pranë organeve tatimore, pa qenë e nevojshme që të investojnë në pajisje fiskale (sikurse ka qenë deri tani praktika). Pra në kuptimin e kostove, këto biznese mendoj se favorizohen nga ndryshimet ligjore. Për më shumë, ndryshimet e ligjit mundësojnë bizneset (apo kontabilistet e tyre) të verifikojnë në kohë reale pasqyrat e raportuara pranë organeve tatimore. Ato, me pak fjalë, do të shohin duke hyrë në sistemet e tatimeve, shitjet e raportuara për çdo pikë shitje volumet dhe ecurinë e shitjeve.

Biznesi i madh, mendoj se do të përfshihet në ndryshime më të rëndësishme. Nëpërmjet sistemit të ri, shkëmbimi i informacionit me organet tatimore do të jetë në kohë reale, si dhe i detajuar. Në ndryshim nga praktika aktuale e raportimit mujor të librave të shitjeve dhe ato të blerjeve, ligji i ri parashikon që faturat në shitje të raportohen në jo më vonë se 48 orë, dhe raportimi të përmbajë të plotë faturën, duke përfshirë artikujt. Praktika e re, kërkon gjithashtu që edhe lëvizjet e brendshme të mallrave (faturat shoqëruese) midis magazinave të raportohen të përpara lëvizjes dhe të përmbajë të gjithë mallrat. Veç ndryshimeve në sistemet e brendshme të biznesit (ERP, shitjes apo Faturimit) do të kërkojë ndryshime të operacioneve të brendshme, si dhe praktikave të komunikimit me klientët apo bizneset partnere.

Por duhet thënë, se ndryshimet e planifikuara në ligj, veç lehtësimit të praktikave të raportimit me organet tatimore, në mënyrë të njëjtë lehtësojnë komunikimet me bizneset e tjera. Pas aplikimit në mënyrë të plotë të ndryshimeve ligjore, faturat në kuptimin siç i njohim deri tani (në formë letre, 3 kopje, vulosur firmosur nga 3 palë dhe me nevojë arkivimi letër për minimum 5 vite) do të ndryshojnë kokë e këmbë nga fatura e re elektronike. Ndryshimi nuk është vetëm në formë.

Konvertimi në formë elektronike e faturës mundëson përdorimin e teknologjisë në çdo hap të faturës e në mënyrë të veçantë në krijimin, shpërndarjen, nënshkrimin, ruajtjen dhe përpunimin e faturave në mbërritje (të blerjes). I gjithë procesi mundet dhe duhet të kryhet tashmë ndryshe dhe në rrugë elektronike që do të thotë të shpejta, automatike, të sigurta dhe kosto disa herë me të ulëta.

Në listën e palëve të ndikuara nga ndryshimet do të doja të shtoja edhe qytetarin. Ky mendojmë se, do të jetë përfituesi indirekt nga ndryshimet. Fatura e re, do t’i mundësojë çdo qytetari përdorimin e mjeteve moderne teknologjike në faturat e tij vetjake apo të familjes. Ruajtjet, pagesa apo edhe verifikimi i faturave do të jenë shumë më të thjeshta, se praktika e deritanishme e faturave letër. Thënë ndryshe, ai do të mundet të krijojë arkivën/librin elektronik të blerjeve.  (Fiskalizimi i biznesit)

 

Nëse një biznes që kryen transaksion me para në dorë, si në rastin e një biznesi të vogël, çfarë do t’i rekomandonit përshtatje e pajisjes ekzistuese fiskale (kasës), apo sistemin e ri që mbështetet zgjidhjet software?

Në afatmesëm, mendoj se, rrjetet e shitjeve me shtrirje të madhe të cilat që zotërojnë sisteme shitje (POS), do të kalonin plotësisht në zgjidhje fiskalizimi software. Por ky ndryshim nuk mendoj se do të jetë i shpejtë, dhe do të kërkojë një fazë tranzicioni 2-3 vite. Për të mbrojtur investimet aktuale, këto rrjeta besoj do të përdorin pajisjet fiskale aktuale dhe njëkohësisht, për gjatë vitit të ardhshëm, bizneset duhet të ndërtojnë një plan migrimi.

Për këtë, do të rekomandoja që çdo biznes të kontaktojë me furnitorët e pajisjeve fiskale aktuale, për të verifikuar mundësinë e përditësimit të domosdoshëm për t’u përshtatur me kërkesat e ligjit të ri. Ky përditësim, duket se është i mundur për një numër të madh të pajisjeve të blera në dy vitet e fundit dhe kostot e përditësimit janë të arsyeshme.

Shoh me vend të theksoj këtu, që raportimi i ri bëhet i detyrueshëm në fillim të shtatorit, dhe deri në këtë datë, të dy standardet e raportimit, ai i ri dhe ekzistues, do të jenë të përdorshëm paralelisht. Bizneset kanë kohë të logjikshme për këtë tranzicion, por ato nuk duhet të neglizhojnë këtë ndryshim. Aktivitetet si dhe vendimmarrjet që lidhen me fiskalizimin duhet t’i shohin si vendime që do të ndikojnë në operacionet e shitjes dhe të klientëve, ato nuk duhet të lihen për muajin e fundit.  (Fiskalizimi i biznesit)

 

Mund të ilustrohet me një shembull konkret si do të realizohet procesi me sistemet software për fazën e transaksioneve me para në dorë?

Zëvendësimi i kasave fizike me ato software, mendoj se do të kryhen në një proces gradual dhe me ndikime minimale në operacionet e brendshme të biznesit. Lëvizja do të këtë si shtysë kryesore uljen e kostove që vijnë nga zëvendësimi i pajisjeve fiskale me pajisje printer të thjeshtë (shumë me të lira). Ky zëvendësim, në mënyrë të njëjtë, mendoj se do të jetë i dukshëm edhe për qytetarin, një kupon fiskal i lëshuar nga pajisje fiskale është identik me atë të prodhuar nga një program fiskalizimi. (Fiskalizimi i biznesit)

 

Sa është kostoja e instalimit të sistemit të ri dhe kostoja për t’i bërë azhurnim një sistemi të instaluar më parë?

Nga informacioni i përgjithshëm në treg (pasi Tetra nuk shërben pajisje fiskale), kuptoj se kostot për përmirësimin e pajisjeve mundet të jenë në vlerat 40 – 70 euro për pajisje, në varësi të modeleve si dhe të ofertuesve. Por duhet thënë që ky përditësim (kryesisht për modele të vjetra) nuk do të jetë i mundshëm për të gjitha modelet e lëshuara në treg.

Për këto pajisje, biznesi duhet të bëj zëvendësimin e tyre me pajisje të dedikuara POS Hardware (që është modeli i pajisjeve fiskale aktuale) ose POS software, të shoqëruar me printerë termikë. Kostot e POS software ndryshojnë shumë nga pajisjet që përdoren, që nevojiten (mobile, tablet, desktop, etj.. printerat) dhe programi i fiskalizimit që duket se në treg gjenden me kosto blerje dhe mirëmbajtje 40 – 100 euro në vit. Duke iu referuar çmimeve të t.fisc (oferta jonë e fiskalizimit) kosto e mirëmbajtjes, në varësi të funksionaliteteve, është 50 – 70 euro në vit.

 

Nga kontaktet që ju keni pasur me sipërmarrjen sa prej tyre janë të interesuara të përdorin zgjidhjen software?

Faleminderit për këtë pyetje. Duke qenë që t.fisc ishte një ndër produktet e para të certifikuara për fiskalizimin sipas ligjit të ri, shumë biznese na kanë kontaktuar për të marrë vesh më shumë për t.fisc si dhe fiskalizimit në përgjithësi. Për më shumë, kontaktet apo pyetjet janë shtuar shumë së fundmi kur aplikimi i ligjit të ri të Tatimeve, fillon efektet më 1 janar. Duhet pasur parasysh që deri në shtator, çdo biznes do të duhet të jetë adaptuar.  (Fiskalizimi i biznesit)

Nga ky komunikim, disa nga pyetjet e përgjigjet më të përgjithshme janë:

1. Kam një sistem, ndërkombëtar. Si të certifikoj sistemin? Kërkesat e ligjit të ri kanë të bëjnë me programet, pajisjet si dhe prodhuesit dhe mirëmbajtësit e tyre që mundësojnë komunikimin (thënë ndryshe lidhjen) me sistemin e tatimeve. Ato nuk kërkojnë certifikimin e paketave të programeve financiare, faturimit apo të ngjashme që përdoren për prodhimin e faturës. Pra nëse jeni në përdorim të një programi financiar të instaluar në Shqipëri apo në cloud Oracle ose SAP, Ju nuk duhet të kërkoni fiskalizimin e sistemit (apo prodhuesit e huaj Oracle apo SAP të aplikojë për certifikim lokal) por duhet të gjeni një program dhe shoqëri të certifikuar nga Tatimet që do të realizojë shkëmbimin në mënyrë të sigurt të dhënave nga sistemi Juaj për në sistemin e Tatimeve. (Fiskalizimi i biznesit)
2. Kur fillon zbatimi i ligjit? Ligji i ri fillon aplikimin me 1 janar, por është i detyrueshëm pjesërisht nga kjo date. Ai aplikohet në mënyrë të detyrueshme, për çdo faturë jo cash, ndaj një “organi publik”. Nëse lëshoni fatura për organe publike (përgjithësisht janë ato kontrata e të cilave është lidhur nëpërmjet një procesi prokurimi publik), fatura juaj do të jetë e vlefshme vetëm nëse lëshohet si e-faturë. Lutem bëni kujdes, se lëshimi i faturave për organet publike, nëse behet me vonesë veç vonesës në pagesë, do të sjellë për ju edhe mbajtjen e penaliteteve përkatëse për vonesa në lëvrimin e shërbimit.
3. Kur duhet të fillojnë ndryshimet? Veç detyrimeve për faturë elektronike për organet publike, plani është që në 1 korrik çdo faturë (jo cash – që është modeli i faturës aktuale në letër) të lëshohet vetëm në formën e re të e-faturës. Pra çdo biznes, procesin e lëshimit të faturave elektronike dhe lidhjen me sistemet e brendshme duhet ta përfundojë në jo më vonë se 6 muaj. Po të llogarisni numrin e bizneseve në vend, do të kuptoni se ky ndryshim do të jetë i pamundur nesër fillohen muajt e fundit të aplikimit. Për këtë, rekomandojnë që verifikimin e ofertuesve të mundshëm si dhe përzgjedhjen e shoqërisë se certifikuar, ta kryeni në jo më vonë se 2 muaj nga sot. Kështu do të keni 2 muaj kohë për zbatimin e sistemit apo ndryshimeve, 1 muaj për testime dhe mundet të filloni lëshimin e faturave elektronike përpara majit. Kështu, do të keni mundësinë të verifikoni rrjedhën e plotë të proceseve mujore, të shitjes dhe financës, përfshi edhe atë të prodhimit të librave të rinj të shitje/blerjeve, përpara detyrimit final 1 Korrik.
4. Në mungesë të lidhjes së sistemit të faturimit me tatimet, mundet të krijojë fatura e-elektronike në mënyrë manuale? Sistemi i ri i tatimeve, lejon mundësinë e hedhjes manuale të faturave si dhe gjenerimi e faturës elektronike. Por referuar përcaktimeve të deritanishme, ky funksion do të lejohet vetëm për bizneset e vogla jo TVSH. Nëse, keni një nevojë për krijimin e këtyre faturave, Ju duhet në çdo rast të drejtoheni për këtë shërbim pranë shoqërive të certifikuara. Për më shumë, vërej këtu se sistemi ynë, ProFisc parashikon krijimin e e-faturave nëpërmjet hedhjes manuale. (Fiskalizimi i biznesit)
5. Kam pajisje për pagesa me automate, ç’duhet të bëj për fiskalizimin? Në mënyrë të njëjtë me programet, edhe për pajisjet e shitjes automatike, do të duhet të identifikoni në treg një zgjidhje dhe një kompani të certifikuar për fiskalizimin e pagesave në cash. Kjo shoqëri duhet të realizojë leximin e të dhënave të veprimeve me para në dorë dhe raportimin në kohë reale në sistemet e tatimeve. Ky proces fiskalizimi i automateve, referuar përcaktimeve të deritanishme, duhet të kryhet brenda datës 1 shtator.

Në përgjigje të interesimit të shtuar të bizneseve për çështje që lidhen me fiskalizimin, faturën elektronike, zgjidhjeve që ne ofrojmë në treg apo edhe legjislacionit, ne si shoqëri gjatë muajit dhjetor krijuam dhe publikuam një faqe web www.profisc.al të dedikuar për këtë. Këtu lexuesit tuaj mundet të informohen më shumë, por edhe të na kontaktojnë për pyetje te tjera specifike që mundet të kenë. Duke kuptuar shkurtimin e afateve për fillimin e aplikimit të ligjit, ne po punojmë aktualisht me orare të shtrira për t’iu përgjigjur sa më shpejt çdo kërkese.

Burimi : Revista Monitor

Link : https://www.monitor.al/cduhet-te-beje-biznesi-per-te-kaluar-te-sistemi-i-ri/

Views: 20